КЫСКА ХӘБӘРЛӘР

ТР Архив эше буенча дәүләт комитеты "Тарихи хәтер" Бөтенроссия проекты кысаларында "1941-1945 еллардагы сугыш җырлары" акциясе игълан итте. Әлегә кадәр күп кенә гаиләләрдә сакланучы фронт җырлары зур мәгънәгә генә ия түгел, ә мөһим тарихи документ та булып тора. Шуңа күрә алар уртак байлыгыбызга әверелергә тиеш. Милли архив әлеге хатларны үз порталында бастырачак. Әлеге акциядә мондый гаилә ядкарьләре сакланган барлык питрәчлеләр дә катнаша ала. Теләгәннәр фронтовик туганнарының фронт хатларын Питрәч туган якны өйрәнү музеена тапшыра ала.

"Батыр" КСКда бүген 14 сәгатьтә "Акыл ияләре көрәше" интеллектуаль уены үтә. 16 яшьтән 35 яшькә кадәрге кешеләр катнаша ала. Командада 4тән 6га кадәр уенчы булырга тиеш. Җиңүчеләр безнең районны республика этабында тәкъдим итәчәк. Зур финал ноябрьдә Казанда үтәчәк.

ПОЛИЦИЯ КАПИТАНЫ РИНАТ ШӘРӘФИЕВ "Халык участковые" конкурсының район этабында җиңде. Хәзер ул безнең районны конкурсның республика этабында тәкъдим итәчәк. Ул өченче административ участокка хезмәт күрсәтә. Бу Богородск авыл җирлеге. Монда Богородск авылы гына түгел, ә Көек, "Светлый" торак комплексы да керә. Барлыгы 3500 кеше, 1265 адрес.

Барлык питрәчлеләр дә үз якташларын хуплый ала. Онлайн-тавыш бирү нигезләмәсе нигезендә Татарстан Республикасы Эчке эшләр министрлыгы сайтында (16.мвд.рф) үткәрелә. Тавыш бирү өчен "Халык участковые-2017" мәгълүмати хәбәрендә яки "Халык участковые" баннеренда таба ала. Әлеге биткә керүгә катнашучылар исемлеге килеп чыга. Полиция участок уполномоченные фотосына басарга һәм "тавыш бирү" сүзенә басарга кирәк. Тавыш бирү 16 октябрьгә кадәр дәвам итә.

Татарстанда бала хокуклары буенча вәкаләтле республика министрлыклары, хокук саклау органнары, адвокатлар белән берлектә 25 октябрьдә Казанда гражданнарга хокукый ярдәм көне үткәрә. Кабул итү 10 сәгатьтән 14 сәгатькә кадәр Халыклар дуслыгы йортында (Казан шәһәре, Павлюхин урамы, 57 нче йорт) үтәчәк. Кабул итүгә 8(843)2366149 телефоны буенча язылырга була. Кабул итүдә баланың торак һәм милек хокуклары үтәлеше, сәламәтлекләрен саклау, белем бирү һәм социаль тәэминат, шулай ук опекага алу һәм попечительлеккә хокуклары буенча консультация алырга була.

ҖӘЯҮЛЕЛӘР КИЧҮЕНДӘ юл хәрәкәтендә катнашучыларны юл аша чыгармаган машина йөртүчеләргә штрафларны катгыйландырдылар. Хәзер җәяүлеләргә һәм велосипедчыларга юл бирмәгән машина йөртүчеләр 2,5 мең сумга штрафка тартылачак. Эчке Эшләр Министрлыгы мәгълүматлары буенча, 2016 елда җәяүлеләр кичүләрендә 19779 һәлакәт булган, аларда 1233 кеше һәлак булган һәм 19576 кеше тән җәрәхәтләре алган.