Питрәч районы ветераннар советы рәисе республика конкурсында җиңде

Казанда «Бердәм Россия» региональ сәяси советы Президиумының йомгаклау утырышы кысаларында бүләкләү тантанасы узды.

«Ел лидеры-2023» конкурсы кысаларында «Традицияләргә тугрылык өчен» номинациясендә Питрәч районы ветераннар советы рәисе Эльгиза Фәйзуллинаны бүләкләделәр.

Бу исем Татарстан җәмәгатьчелеге вәкилләренә иҗтимагый хәрәкәт үсешенә, социаль әһәмиятле проектларны гамәлгә ашыруга, милләтара тынычлыкны һәм татулыкны алга сөрүгә шәхси өлеш керткән өчен һәм яшьләрне патриотик тәрбияләгән өчен бирелә.