Программада: концертлар, очрашу кичәләре, бушлай кино күрсәтүләр һәм башкалар.
1 октябрьдән 10 октябрьгә кадәр Халыкара өлкәннәр көненә багышланган өлкәннәр ункөнлеге узачак. Бу көннәрдә Питрәч районында да өлкән буынга – хезмәт ветераннарына, пенсионерларга, өлкән яшьтәге кешеләргә аерым игътибар биреләчәк.
Төп бәйрәм вакыйгалары октябрьнең беренче көнендә булачак.
1 октябрь
- 11:00 сәгатьтә Кощак авыл мәдәният йортында бәйрәм концерты узачак.
- 15:00 сәгатьтә Питрәч авылы халкын һәм кунакларын Мәдәният сараена зур бәйрәм концертына чакыралар. Керү ирекле.
- 15:00дә Белкино мәдәният йортында пенсионерларның бәйрәм очрашуы, ә Колай мәдәният йортында концерт программасы булачак.
- 18:00 сәгатьтә Званка авылы халкы өчен җирле күп функцияле үзәктә концерт оештырылачак.
2 октябрь
- 7:00 сәгатьтә Питрәчтә традицион авыл хуҗалыгы ярминкәсе башланачак, анда пенсионерлар өчен ташламалы бәяләр гамәлдә булачак.
- 13:00 сәгатьтә Шәле мәдәният йортында өлкәннәрне һәм юбиляр парларны котлау өчен бәйрәм концертына чакыралар.
- 14:00 сәгатьтә Татар Тау Иле мәдәният йортында концерт программасы узачак.
- 15:00 Кибәк Иле мәдәният йортында музыкаль кичә көтелә.
- 16:00дә Керәшен Сәрдәсе мәдәният йортында концерт узачак.
- 17:00 Пановка авылында күп функцияле үзәктә шулай ук концерт үтәчәк.
3 октябрь
- 15:00 сәгатьтә кинотеатрда өлкән буын өчен «Җиңү почтальоны» фильмы күрсәтеләчәк.
- 15:00 сәгатьтә Карповка авыл клубында концерт һәм ял кичәсе булачак.
- 15:00 Надеждино мәдәният йортында кичә, 16:00дә бәйрәм концерты көтелә.
4 октябрь
- 19:00дә Күн мәдәният йортында әдәби-музыкаль кичә үтәчәк.
6 октябрь
- 11:00 сәгатьтә кинотеатрдаа өлкәннәр өчен «Чужой звонок» фильмын күрсәтәчәкләр.
- 15:00 сәгатьтә Надеждино мәдәният йортында көзге утырышлар көтелә.
- 15:00 сәгатьтә Татар Казысы мәдәният йортында концерт узачак.
9 октябрь
- 7:00 сәгатьтән Питрәчтә пенсионерлар өчен ташламалы бәяләр белән авыл хуҗалыгы ярминкәсе узачак.
10 октябрь
- 18:00 сәгатьтә Иске Шигали авылының күпфункцияле үзәгендә концерт программасы узачак.
Ярдәм һәм кайгырту
Ункөнлек дәвамында йорт яны территориясен җыештыруда һәм яшелчә әзерләүдә ярдәм итү акцияләре узачак. Социаль хезмәтләр алучы өлкәннәргә котлау белән киләчәкләр. Шулай ук республиканың интернат-йортларында яшәүче райондашларны котлау да планлаштырылган.
Актив тормыш рәвеше
Актив яшәү рәвешен яратучылар өчен скандинавия йөреше белән «Сәламәтлек көне» һәм иртәнге зарядка оештырачаклар.
Мәдәни программа
Питрәч туган якны өйрәнү музеенда ташламалы нигездә заллар буйлап экскурсияләр, шулай ук рәссам Лариса Булюхинаның «Көзге блюз» картиналары күргәзмәсе һәм мастер-класс узачак.
Район мәктәпләрендә пенсионер укытучылар һәм педагогик хезмәт ветераннары белән очрашулар планлаштырылган.
Ленино-Кокушкино балалар мәктәбендә 1 октябрьдә 15:00 сәгатьтә концерт узачак, ә 1-3 октябрьдә 13:00дән 17:00гә кадәр рәсемнәр күргәзмәсе эшләячәк.
Медицина ярдәме
Питрәч үзәк район хастаханәсе медицина хезмәткәрләре 10 сентябрьдән 1 октябрьгә кадәр өлкән яшьтәге гражданнарга диспансеризация һәм вакцинация үткәрәләр, шулай ук хастаханәгә килә алмаган пациентларны өйләрендә тикшерәләр.
Моннан тыш, мәгариф, мәдәният һәм сәламәтлек саклау тармагы ветераннарының очрашулары һәм тантаналы чаралары узачак.