Питрәч районында сөт җитештерү күләме артты

Питрәч авыл хуҗалыгы предприятиеләрендә узган елга караганда сыердан күбрәк сөт ала башладылар.

Бүгенге көндә район буенча тулаем савым 74,6 тонна тәшкил итә, бу узган ел белән чагыштырганда 8,4 тоннага күбрәк. Районда барлыгы 3720 баш сыер. 

Сөт җитештерү буенча лидерлар: «Ак барс – Питрәч» - тулаем савым 35,5 тонна, бер сыерга тәүлеклек савым 22 килограмм, «Шәле-Агро» - 15,9 тонна, 24,5 кг, «АгроЛак-К» - 8 тонна, 20,5 кг, «Макс Ойл» - 4,2 тонна, 24,5 кг. «Агроторгсервис»та көнлек савым 4,9 килограмм тәшкил итә.

Шул ук вакытта Сафаров Ф.З. (7,8 кг), Ахунов Р. М. (5,6 кг) крестьян-фермер хуҗалыклары артта калып бара.