Питрәчтә коррупциягә каршы утырыш узды

Питрәчтә авыл җирлекләре башлыклары, прокурор, контроль-хисап палатасы, иҗтимагый совет вәкилләре катнашында коррупциягә каршы көрәш буенча эшне координацияләү комиссиясенең киңәйтелгән утырышы узды. Биредә 2021 елның беренче яртыеллыгында коррупциягә каршы тору өлкәсендә тикшерү нәтиҗәләре буенча фикер алыштылар.

Киләчәктә булдырмас өчен хәзер җибәрелә торган системалы хаталарга аеруча игътибар иттеләр, - дип билгеләп үтте коррупциягә каршы көрәш буенча район башлыгы ярдәмчесе Валентина Урысова.

Шул вакыт эчендә коррупцион юнәлештәге 2 җинаять тикшерелде, тагын 3 кеше дисциплинар җаваплылыкка тартылды.