Район башлыгы Илһам Кашапов кечкенә питрәчленең теләген чынга ашырды

Василиса Коростелева Питрәчтә яши. Аңа 9 яшь. Кыз рәсем ясарга бик ярата. Бу шөгыльгә күп вакыт багышлый.

Рәсем ясарга мөстәкыйль рәвештә өйрәнә. Бу эштә аңа төрле видеолар ярдәм итә. Кечкенә Василиса Кыш Бабайга хат язган һәм аннан яңа смартфон сораган.

«Теләкләр чыршысы» Бөтенроссия акциясе кысаларында район башлыгы Илһам Кашапов Василисаның теләген чынга ашырды.

Бүген ул аның янында кунакта булды һәм бүләк – телефон тапшырды.