Татар Казысы мәктәбе укытучысы «Минем шәҗәрә» республика конкурсында җиңде

Татар Казысы мәктәбенең башлангыч сыйныфлар укытучысы Флера Хәйретдинова «Минем шәҗәрә» республика конкурсында җиңү дипломы алды.

Катнашучы «Туган телгә мәхәббәт» номинациясендә беренче булды. Ул «Нәселдә - халык тарихы» проект-тикшеренү эшен тәкъдим итте. Бүләкләү тантанасы Казанда Кариев театры сәхнәсендә узды. Конкурсны Татарстан Республикасы архив хезмәте оештыра.

«Мин үз эшемдә тарихта үз эзләрен калдырган авылдашлар турында елъязма җыйдым. Җыелган материал безнең җирле музейда сакланачак», - дип уртаклашты җиңүче.

Аның өендә дә мини-музей булуы, анда документлар, язмалар, туганнарның фотолары саклануын да билгеләп үтте ул.