Татарстан яшьләре үз проектларын тормышка ашыру өчен 500 мең сумга кадәр акча алачак

Татарстанда физик затлар өчен грант конкурсы старт алды. Бәйгедә 18 яшьтән 35 яшькә кадәрге һәркем катнаша ала.

Конкурс үз эченә ике этапны ала. Беренчесе – 15 номинациянең берсен сайлау. Сылтама буенча гариза тутырырга һәм тикшертү өчен проектны 25 октябрьгә кадәр җибәрергә кирәк. Гариза бирү өчен «Россия яшьләре» системасында теркәлергә кирәк.

Икенче этапта, ноябрь башында, яшьләр эшләре буенча федераль агентлык (Росмолодежь) экспертлары алдында проектларны турыдан-туры яклау булачак.