Татарстан синоптиклары яңгыр һәм көчле җил турында кисәтте
Бу хакта республиканың Гидрометеорология үзәге хәбәр итә.
Иртәгә, 5 октябрьдә, Татарстанда шактый салкын һәм дымлы һава торышы көтелә.
Республикада көндез аязучан болытлы булачак. Төнлә һәм иртән вакыт-вакыт яңгыр явачак, көндез төбәктә урыны белән бераз явым-төшем көтелә. Казанда да яңгыр фаразлана.
Моннан тыш, көньяк һәм көньяк-көнчыгыштан исә торган җилнең тизлеге урыны белән секундына 15 метрга кадәр көчәячәк, дип билгеләп үтә синоптиклар.
Төнге сәгатьләрдә Татарстан буенча һава температурасы +4..+9 градус (ТР башкаласында — +6 .. +8 градус) тәшкил итәчәк. Көндез һава +9..+14 градуска кадәр җылына (Казанда — +11..+13).
Следите за самым важным и интересным в Telegram-каналеТатмедиа