Тугыз куянны законсыз аткан питрәчлене хөкем итәчәкләр

Югары Ослан районында 42 яшьлек питрәчлене хөкем итәчәкләр, ул законсыз ауда гаепләнә.

Исегезгә төшерәбез, узган елның 1 октябренә каршы төндә ир-ат арендага алынган автомобильдә рөхсәтсез Югары Ослан районы территориясендә ау оештырган. Ул барлыгы тугыз куянны аткан, нәтиҗәдә 39 мең сумлык зыян китергән.

Гаепләнүче үз гаебен таныды, эш судка җибәрелде.