Питрәч районында кабат исерек килеш йөргән машина йөртүчене 1 елга шартлы рәвештә хөкем иттеләр

Исерек килеш транспорт чарасы белән идарә иткән өчен хөкем ителгән шофер янә исерек килеш руль артына утыра. Аны юлда торак комплексны саклау хезмәткәрләре туктата. Шоферның аек булмавында шикләнеп, алар ЮХИДИ хезмәткәрләрен чакырта. Медицина тикшерүе машина йөртүченең чыннан да, исерек булуын күрсәтә.

Питрәч район суды бу җинаять эшен тикшергәннән соң машина йөртүчене гаепле дип таныган һәм шартлы рәвештә 1 елга ирегеннән мәхрүм иткән. Шулай ук аңа 3 ел транспорт чаралары белән идарә итүгә бәйле эшчәнлек белән шөгыльләнергә ярамый.