Питрәч районында «Кырык дүртнең май аенда» фильмын төшерү тәмамланды

Питрәч районында Татарстанның халык язучысы Нурихан Фәттахның «Кырык дүртнең май аенда» әсәре буенча татарча фильм төшерелде.

"Фильмнар март, май, июль, август айларында Әтнә, Арча, Питрәч, Лаеш, Югары Ослан районнарында, Юдино тимер юл станциясендә төшерелде. Барлыгы 28 смена булды. Сентябрьдә монтаж эшләре башланачак", - дип сөйләде фильмның режиссеры Александр Далматов.

Фильмда Татарстанның танылган актерлары Равил Шәрәфиев, Зөлфирә Зарипова, Дания Нуруллина, Алсу Гайнуллина, Алсу Каюмова, Хәлимә Искәндәрова, Сәйдәш Шәрәпов һәм башкалар төшкән. Төп рольне Тинчура театры актрисасы Резеда Салахова башкара.