Питрәч мәктәпләрендә КНИТУ институты укытучылары булды

Казан илкүләм тикшеренү-техник университетының химия һәм нефть машина төзелеше институты командасы Яңа Шигали авылының күп профильле лицеенда һәм Кощак мәктәбендә булды.

Алар һөнәри юнәлеш бирүче лекция үткәрделәр, факультет кафедраларында фәнни юнәлешләр һәм тикшеренүләр, гамәлгә ашырыла торган әзерлек программалары, шулай ук университетта белем алуның өстенлекләре һәм эшкә урнаштыру мөмкинлекләре турында сөйләделәр.