Питрәч районында быел 8 меңнән артык бала парта артына утырачак

Яңа уку елында мәктәп парталарына сигез меңнән артык бала утырачак, шуларның 1252се - беренче сыйныф укучылары. Бу 2021 елга караганда 2000 укучыга күбрәк.

Район башлыгы Илһам Кашапов яңа мәктәпләр һәм балалар бакчалары төзү кирәклеген ассызыклады. Районның биш мәктәбендә ике сменада уку оештырылган. Мәктәпкәчә учреждениеләрдә 3473 бала тәрбияләнә.