Алга

Питрәч районы

18+
Рус Тат
2024 - год Семьи
Сәламәтлекне саклау

Кибәч авылында яңа медпункт төзелә

Аны җәй ахырында ачарга планлаштыралар

Кибәч авылында яңа блок-модульле фельдшер-акушерлык пункты төзелә.

Конструкция җыелган инде. Хәзер эчке эшләр башкарылачак, ФАПта заманча җиһазлар урнаштырылачак. Шулай ук янәшәдәге территорияне төзекләндерү планлаштырыла: парковка өчен урын бүлеп биреләчәк, тротуар салыначак, территория яшелләндереләчәк.

2008 елдан бүгенге көнгә кадәр авылда медпункт мәктәп бинасында урнашкан иде. Бүлмә иркен, анда процедура кабинеты, хатын-кызлар консультациясе кабинеты, кабул итү бүлмәсе бар.

- Бездә халык саны 320 кеше тәшкил итә. Көненә 8-9 кеше кабул итәбез. Нигездә, кан басымы, буыннар, йөрәк авыртулары турында зарланалар, – дип сөйли фельдшер Лидия Золина. - Яңа бина авылның үзәгендә урнашкан, шуңа күрә биредә яшәүчеләргә аңа барып җитү уңайлырак булачак, – дип билгеләп үтә ул. 

Объектның әзерлеге 50 проценттан артык. Ул республика программасы ярдәмендә барлыкка килде, финанслау - 8 млн 992 мең сум тәшкил итә. Бирегә эш сәфәре белән район башлыгы Илһам Кашапов килде, ул август ахырына кадәр медицина пункты ачылырга тиешлеген билгеләп үтте.

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса