Медучреждениедә ковид-госпиталь ачу йөкләмәсе бирелде.
Бүгенге көндә коронавирус инфекциясе белән авыручы питрәчлеләрне Казанга алып киләләр һәм шунда дәвалыйлар.
Хәзер исә Питрәч районы үзәк хастаханәсендә 25 урынга исәпләнгән вакытлыча ковид-госпиталь ачарга җыенулары билгеле булды. Моның өчен йогышлы авырулар бүлеген үзгәртеп корачаклар. Районда зарарланучылар саны көннән-көн арта.
Бүгенге көндә документлар әзерләнә", - дип билгеләп үттеләр район хакимиятендә.
Районда узган атна ахырына 9956 кеше коронавирстан прививка ясаткан, бу барлык халыкның 32 проценты.