Питрәчтә ТР Хоккей федерациясе призына турнирның беренче этабы башланды

Питрәчнең «Питрәч-Арена» боз сараенда 2013 елда туган яшүсмерләр командалары арасында Татарстан Республикасы Хоккей федерациясе призына турнирның беренче этабы башланды.

Беренче этапка безгә кунакка Арча, Кукмара, Мамадыш, Яшел Үзән, Йошкар-Ола командалары килде. 
Турнирның беренче көнендә Питрәч хоккейчылары (тренер Егор Маташков) ике уен үткәрде. Башта алар Мамадыштан килгән көндәшләрен 11:0 исәбе белән тар-мар итте, икенче уенда Йошкар-Ола командасын 5:2 исәбе белән җиңде һәм турнир таблицасын җитәкләде.