Җәмгыять
2023 елда Званкада парк төзекләндереләчәк
Булачак паркны төзекләндерү турында авыл халкы белән сөйләшергә архитекторлар, эшчеләр һәм район хакимияте вәкилләре очрашты.
Киләсе елда Питрәч районы Званка авылында яңа иҗтимагый киңлек барлыкка киләчәк.
Архитекторлар юл буенда һәм буа тирәсендә җәяүлеләр өчен юллар салырга тәкъдим иттеләр. Проектчылар шулай ук балалар һәм спорт зоналарын төзекләндерергә тәкъдим иттеләр.
Үз чиратында җирле халык парк территориясендә яктырту, видеокүзәтү җайланмалары урнаштырырга, шулай ук биредә Яңа ел чыршысы кую мөмкинлеген булдырырга тәкъдим итте.
Киләсе очрашу ике атнадан соң көтелә. Төзелеш-монтаж эшләре 2023 елда башланачак.
Следите за самым важным и интересным в Telegram-каналеТатмедиа
