Керәшен Сәрдәсе авыл җирлегендә үзара салым буенча эшләр тәмамлана

Көлкәмәрнең Школьная урамындагы юлга 150 метрда вак таш җәйделәр. Республика субсидиясе белән бергә биредә 194 мең сум акча җыелган. Шулай ук янгын гидрантларын урнаштыру каралган.

Керәшен Сәрдәсе авылында үзара салым программасы буенча юлларны төзекләндерү мәсьәләсен тулысынча яптылар. Эш узган атнада тәмамланды. Быел юлларны 1 млн сумга төзекләндергәннәр - бу сумма республикадан бүлеп бирелгән субсидия белән бергә җыелган.