Керәшен Сәрдәсе авылы мәдәният хезмәткәрләре керәшен мәдәниятен саклыйлар һәм яңарталар

Без хәзер телевидение хезмәткәрләре кебек эшлибез. Мәсәлән, бездә «Әбиемнең алтын сандыгы» проекты бар, аның кысаларында авыл хатын-кызлары янына барабыз, аларны видеога төшерәбез, сугыш еллары турында интервью алабыз, фольклор үрнәкләрен җыябыз. Шулай ук кайчакта авылдашларыбыздан видео
котлауларга гаризалар кабул итәбез, видеоны монтажлыйбыз һәм үзебезнең социаль челтәрләргә урнаштырабыз, - дип сөйли Алексей Александрович.

Мәдәният учреждениесе хезмәткәрләре составы өч кешедән тора: мөдир Алексей Дементьев, сәнгать җитәкчесе Евдокия Никитина һәм аккомпаниатор Айдар Мәннапов. Мәдәният йортында керәшен иҗат коллективлары эшли: «Чулпы» фольклор ансамбле һәм «Сәяр» вокаль ансамбле барлыкка килде һәм үсеш ала. Икесенә дә «Халык» исеме бирелде. Шулай ук «Елмай» балалар коллективы эшли.