Мобилизацияләнгән питрәчлеләрнең бушлай юридик ярдәм алу мөмкинлеге бар

Мобилизацияләнгән питрәчлеләргә бушлай юридик ярдәм күрсәтергә мөмкиннәр. Шундый ук ярдәмгә тормыш иптәше, балалары (шул исәптән уллыкка, тәрбиягә алынганнар, опека астында булганнар), ата-аналары һәм аларның гаиләләренең башка әгъзалары да өмет итә ала.

Питрәч районы Советының утыз беренче утырышы вакытында безнең районда гражданнарга түләүсез юридик ярдәм күрсәтү турындагы нигезләмәгә үзгәрешләр кертелде. Бу сорауга барлык депутатлар да уңай тавыш бирде.

Сессия барышында барлыгы 12 мәсьәлә каралды.