Алга

Питрәч районы

18+
Рус Тат
2024 - год Семьи
Җәмгыять

Питрәч беренче мәктәбе укучылары Эчке эшләр министрлыгы бүлегендә булдылар

Укучылар кинолог эшен күрделәр, ябык тирда булдылар, бронежилетлар, каскалар киеп, кулларында сугыш коралы тотып карадылар.

Полиция хезмәткәрләре хезмәте белән тугызынчы һәм унынчы сыйныфлардан алтмыштан артык егет һәм кыз танышты. Чара Россия Эчке эшләр министрлыгының мәгариф оешмаларын тулыландыруга юнәлдерелгән. Укучылар кинолог эшен күрделәр, ябык тирда булдылар, бронежилетлар, каскалар киеп, кулларында сугыш коралы тотып карадылар.

Инспектор-кинолог, полиция лейтенанты Петр Григорьев укучыларга хезмәт этләренең ничек эшләвен күрсәтте, аларны ничек өйрәтүләре, тотулары һәм нәрсәгә сәләтле булулары турында сөйләде. Һәр этнең үз бурычы бар. Кайберләре эзгә төшә, икенчеләре шартлаткычлар, кораллар эзли.

Аннары кызыл почмакта балалар белән Эчке эшләр министрлыгының бүлек башлыгы урынбасары, шәхси состав белән төркем җитәкчесе, полиция подполковнигы Юрий Шатаев аралашты. Ул Россия Эчке эшләр министрлыгы институтына керү шартлары һәм эчке эшләр органнарында хезмәт итү турында җентекләп сөйләде. Ике сәгатькә якын сизелми дә үтеп китте. Югары сыйныф укучылары үзләрен кызыксындырган сораулар бирделәр, тулы җаваплар алдылар.

Тугызынчы сыйныф укучысы Даниил Козлов мәктәпне тәмамлагач, киләчәктә эчке эшләр органнарына урнашырга тели.

– Файдалы һәм кызыклы чара булды, бигрәк тә тормышын полиция эше белән бәйләргә теләүчеләр өчен. Мәктәпне тәмамлагач, югары уку йортына керергә, тикшерүче булырга телим. Кешеләрне сакларга, аларга ярдәм итәргә телим. Бигрәк тә минем әтием Евгений Александрович Эчке эшләр министрлыгының Питрәч бүлегендә хезмәт итте, менә мин дә әтинең эшен дәвам итәргә булдым. Моның өчен яхшы укырга, физик яктан нык булырга кирәк. Милли көрәш белән шөгыльләнәм, берничә тапкыр ярышларда җиңүче һәм призер булдым. Яхшы физик формада булыр өчен, спортның башка төрләре белән дә шөгыльләнәм, – дип уртаклашты Даниил.

 

– Минем туган апам Фәридә Сибгатова да полициядә эшләде, – ди тугызынчы сыйныф укучысы Камилла Мөхәммәтшина. – Мин, аның кебек, тормышымны Эчке эшләр министрлыгы органнарындагы эш белән бәйләргә, тугызынчы сыйныфтан соң көллияткә керергә һәм киләчәктә тиешле белем алырга телим, – дип планнары белән уртаклашты кыз.

 

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса