Питрәч тугызынчы сыйныф укучыларына газ белән куркынычсыз эш итү турында сөйләделәр

Питрәч районы газ эксплуатацияләү хезмәте вәкилләре Питрәч беренче мәктәбенең өлкән сыйныф укучылары белән очраштылар. 9 нчы сыйныф укучылары өчен көнкүрештә газны куркынычсыз куллану кагыйдәләре турында класс сәгате узды. 

РЭГС мастеры Андрей Овчинников балаларга гади кагыйдәләрне белү – бер фатирның гына түгел, бөтен күпфатирлы йортның да куркынычсызлыгы нигезе булуын искәртте.

Очрашуда мөһим темаларны тикшерделәр: 

• төтен юлларының һәм вентиляция каналларының тартуын ничек тикшерергә; 
• ни өчен газ плитәләрен һәм колонкаларны мөстәкыйль төзәтергә яки күчерергә ярамый; 
• ялкынның төсе буенча конфорканың төзеклеген ничек билгеләргә (дөрес төсе – тигез, зәңгәрсу-шәмәхә); 
• газ исе булганда нәрсә эшләргә; 
• ни өчен җиһазларны караусыз калдырырга ярамый һәм газ плитәсе булган бинада йоклау ни өчен куркыныч. 

Һәр укучы газ чыккан очракта нишләргә кирәклеге турындагы инструкция белән ашыгыч хезмәт телефоннары булган күрсәтмә белешмәлек алды. Бу листовкаларны алар өйгә – әти-әниләренә алып кайтачак, чөнки куркынычсызлык бөтен гаиләгә кагыла.