Бу хакта Питрәч авылыннан 65 яшьлек бер әбүнәчебез кызыксынды. Аңа районның социаль яклау бүлеге башлыгы Дарья Юматова аңлатма бирде.
- Пенсионер санаторий-курорт дәвалануына юллама ала ала. Моның өчен ул чиратка куюларын сорап социаль яклау бүлегенең 6 нчы кабинетына мөрәҗәгать итәргә тиеш. Безнең адрес: Питрәч авылы, Советская урамы, 20 нче йорт. Үзегез белән 70/у формасындагы белешмә булырга тиеш, аны яшәү урыны буенча поликлиникада терапевт бирә. Шулай ук кешедә инвалидлык булырга тиеш түгел, – дип аңлатты Дарья Павловна.