Питрәч газетасы хат ташучыларга язылу кампаниясендә ярдәм күрсәткәннәре өчен рәхмәт белдерде

«Вперед» һәм «Алга» район газеталары редакциясе җирле басмага кешеләрне иң күп яздырган өч хат ташучыны бүләкләде.

Иң актив өчлек арасында Питрәчтән Стрелкова Ольга Васильевна, Савина Людмила Евгеньевна һәм Татар Тау Иле авылыннан Пикалева Ольга Александровна бар.

«Татмедиа» АҖ «Питрәч-информ» филиалының баш мөхәррире Ләйсән Мифтахова аларга тантаналы шартларда2022 елның икенче яртыеллыгына язылу кампаниясендә актив катнашканнары өчен Рәхмәт хатлары тапшырды. Шулай ук хат ташучыларга акчалата бүләк тә бирелде.