Питрәч районыннан Бөек Ватан сугышы ветераны Татьяна Витковская вафат булды

Татьяна Витковская 1924 елның 23 гыйнварында Минзәләдә офицер гаиләсендә туа. Мәктәпне тәмамлаганнан соң педагогия училищесына укырга керә. 1943 елда үз теләге белән фронтка китә. Украинада, Польшада зенитчы-артиллерист буларак сугыша.
Сугыштан соң күпмедер вакыт хәрби госпитальдә эшли, ә Казанга кайтканнан соң балалар укытуын дәвам итә. Күптән түгел бертуганының кызы Галина Владимировна белән Питрәчкә күчеп килгән.

Туганнарының һәм якыннарының кайгысын уртаклашабыз.