Питрәчтә автомобильләр өчен яңа парковкалар төзелде

Район үзәгендә асфальтлы ике яңа парковка барлыкка килде. Берсе Почтовая урамында туган якны өйрәнү музее каршында, икенчесе – Казанская урамында мәчет янында урнашкан. Биредә үз машинасын теләгән һәркем калдыра ала. 

Объектлар төзелешенә акча муниципаль юл фондыннан бүлеп бирелгән, ягъни эшләр район бюджеты хисабына башкарылган.
Парковкалар ясау тулысынча диярлек тәмамланган, машина йөртүчеләр бу мәйданчыклардан файдалана ала инде.