Район башлыгы Илһам Кашаповның авыл хезмәтчәннәре көне белән котлавы

Сезне чын күңелдән якынлашып килүче һөнәри бәйрәмегез – Авыл хуҗалыгы һәм эшкәртү сәнәгате хезмәткәрләре көне белән котлыйм!
Сез иң игелекле һәм авыр хезмәтне сайлагансыз. Көчегезне һәм вакытыгызны кызганмыйча, эшегезне намус белән башкарасыз.
Шундый җаваплы, үз эшенә бирелгән кешеләр булганда авыл үсә һәм чәчәк ата. Сез безнең районның гына түгел, бөтен республикабызның, бөтен илебезнең төп өмете һәм таянычы булып торасыз. Сез безне ипи, сөт һәм ит, җиләкҗимеш белән тәэмин итәсез.
Фидакарь, намуслы хезмәтегез өчен зур рәхмәтемне белдерәм. Барыгызга да ныклы сәламәтлек, гаилә бәхете, уңышлар, күңел күтәренкелеге, сезгә һәм якыннарыгызга иминлек телим!