Татар Тау Иле мәктәбе укытучысы «Ел хатын-кызы» конкурсында җиңде

Татар Тау Иле мәктәбенең тарих һәм җәмгыять белеме укытучысы Гөлназ Рәимова “Ел хатын-кызы. Ел ираты: Хатын-кыз карашы” республика конкурсының зона туры җиңүчесе булды. Ул “Хатынкыз – ел үрнәге” номинациясендә катнаша.

Конкурс Арчада узды, анда Гөлназ Нургалиевна ире һәм ике баласы белән чыгыш ясады. Алар татар биюен башкардылар. Бу күп балалы гаилә, аларның өч баласы бар. Олы кызлары табиб булып эшли, уртанчы уллары студент, ул булачак табиб, кечкенә кызлары икенче сыйныфта укый.

– Мин актив һәм иҗади кеше, шуңа күрә мондый чараларны яратам, – диде конкурсант.

Мәктәптә ул 26 ел эшли. Профессиональ эшчәнлектән тыш, аның бик күп яраткан шөгыльләре бар. Кышкы кичләрдә тегә һәм бәйли, җәен шифалы үләннәр җыя, алардан файдалы витаминлы чәйләр пешерә.

– Минем иң зур хыялым – татар халкының 19 гасырдагы милли киемнәрен: күлмәкләр, камзулларны яңарту, – диде Гөлназ Рәимова.

Ул бу эшкә тотынган да инде. Конкурста ул милли баш киемендә чыгыш ясый, аны рәсемнән карап үзе теккән һәм аңа татар милли бизәкләре чиккән.