Татарстанда халыкны эш белән тәэмин итүнең бердәм үзәген булдырачаклар
Татарстан Хөкүмәте карары коррупциягә каршы экспертиза уза.
Татарстанда мәшгульлек хезмәтләрен үзгәртеп кору көтелә. Республикада 40тан артык учреждениене Татарстан Халыкны эш белән тәэмин итү үзәгенә кушылу көтә.
Документта мәшгульлек хезмәте дәүләт учреждениеләрен үзгәртеп кору Татарстан Хезмәт һәм социаль яклау министрлыгы тәкъдиме белән үткәрелә, дип әйтелә.
«Татарстан Республикасы Халыкны эш белән тәэмин итү үзәге Татарстан Республикасы территориясендә халыкны эш белән тәэмин итү өлкәсендә гражданнарның һәм эш бирүчеләрнең хокукларын һәм гарантияләрен тәэмин итү максатында, шул исәптән гражданнарга туры килә торган эш эзләүдә, аларның һөнәри күнекмәләрен һәм компетенцияләрен үстерүдә, эшсез гражданнарга социаль ярдәм күрсәтүдә, эш бирүчеләргә хезмәткәрләрне сайлап алуда ярдәм итү, гражданнарга һәм эш бирүчеләргә мәгълүмат һәм консультация бирү, булган эш урыннарын саклап калган һәм яңа эш урыннары булдырганы эш бирүчеләргә ярдәм чаралары күрсәтү максатында булдырыла», — дип билгеләнгән текстта.
Яңа үзәккә керәчәк учреждениеләрнең хокуклары һәм бурычлары да шушы үзәккә күчә. Татарстан Республикасы Халыкны эш белән тәэмин итү үзәге хезмәткәрләренең чик саны 760 берәмлек тәшкил итәчәк.
Следите за самым важным и интересным в Telegram-каналеТатмедиа
