Җәмгыять
Татарстанда янә +32 градус эссе булыр дип көтелә
Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.
Дүшәмбе көнне Татарстанда янә коры һәм эссе һава торышы көтелә. Көндез термометрның терекөмеш баганасы +30 градустан да югары күтәреләчәк.
Көндез республикада талгын җил көтелә. Төнлә температура +11..+16 градус тәшкил итсә, көндез һава +27..+32 градуска кадәр җылыначак.
Шунысын да искәртик: Татарстанда эссе һава торышы һәм явым-төшемнәр булмау сәбәпле, урманнарда янгын чыгу куркынычы гаять зур. Шторм кисәтүе 29 августка кадәр гамәлдә.
Следите за самым важным и интересным в Telegram-каналеТатмедиа
