Безнең хоккейчылар өченче ел рәттән Татарстан чемпионаты финалында

ГТО ФЕСТИВАЛЕ. БЕЗНЕКЕЛӘР - ИКЕНЧЕ
Анда безнең район җыелма командасы, хуҗаларны гына узып, икенче урынны алды.
Шәхси ярышларда безнең спортчыларның нәтиҗәләре түбәндәгечә: Павел Тихонов, Илдар Гыйниятов (икесе дә Питрәчтән) һәм Ярослав Лывин (Ленино-Кокушкино) үз яшьләре буенча беренче урыннарны яуладылар. Илья Лывин, Станислав Талаков (икесе дә Ленино-Кокушкинодан), Павел Пушков, Рифат Гыймадиев (икесе дә Питрәчтән), Фәнил Гыйниятуллин (Шәле) - икенче, Артур Хөснуллин (Ленино – Кокушкино) - өченче урыннарны алдылар.

ХОККЕЙ. ИР-АТЛАР ФИНАЛГА ЧЫКТЫ
Идел буе федераль округы беренчелегендә чираттагы тур уеннары узды. Безнең команда иң көчлеләр төркемендә урын өчен көрәшә. Узган ялларда ул үз бозында Түбән Новгородның «Торпедо» командасын кабул итте. 2,5 период дәвамында безнең егетләр лиганың иң көчле командаларыннан берсе белән тигез көрәштеләр. Кызганыч, безнең хоккейчылар 0:4 исәбенә оттырды, калган минутларда 4 алка керттерде. Икенче көнне дә җиңелүгә дучар булдылар, бу юлы матчтан соң буллитлар сериясендә 1:2 исәбе белән җиңелде.
Якшәмбе кичендә күпсанлы җанатарлар «А» төркемендә Татарстан чемпионаты лидерларының кызыклы хоккей матчын күрделәр. Бозда МНКТ (Казан) һәм «Пестрецы» ХК көрәште. Төркемдәге соңгы уен югары тизлектә, көчле кабул итүләр һәм матур голлар белән узды. Командалар чиратлап алда барды. Матч ахырына ике минут кала питрәчлеләр 5:4 исәбе белән  алда барды. Тик, кызганыч, үз зонасында хата җибәрү аркасында  алка керттерделәр. Нәтиҗәдә, өстәмә 5 минут нәтиҗәсез тәмамланды. Игорь Сорокинның буллитлар сериясендә төгәл бәрүе нәтиҗәсендә безнең хоккейчылар 6:5 исәбе белән җиңү яулады. Калган алкаларны бездә: Артем Чичков (өч), Максим Кутепов һәм Антон Абдуллин (берәр) кертте. Антон шулай ук төркем этабының иң яхшы бомбардиры булды, ул гол + пас системасы буенча 23 балл җыйды (10+13).
Финал уеннары март уртасында узачак.

ӨСТӘЛ ТЕННИСЫ. МОНДА ДА ИКЕНЧЕ
Арчада мәктәп-интернатлар арасында өстәл теннисы буенча 15 нче республика ярышлары узды. Питрәч командасы икенче урынны яулады. Алинә Галәветдинова шәхси ярышта икенче, Андрей Симонов – дүртенче, Илназ Миндубаев бишенче урынны алды.