КОТЛАУЛАР

Сезне ихлас күңелдән һөнәри бәйрәм - Медицина хезмәткәре көне белән котлыйм!

Әлеге һөнәрне сайлаган кеше, гомер буе медицина хезмәткәре исемен горур йөртә. Сез мәрхәмәтле, кеше хәленә керә белүегез, җаваплы һәм киң күңелле булуыгыз белән башкалардан аерылып торасыз.

Сез тормышыгызны авыр, җаваплы, шул ук вакытта изге, кирәкле һөнәр белән бәйләгәнсез - сез кешеләргә шатлык, күтәренке кәеф бүләк итәсез. Ял һәм бәйрәм көннәрендә дә сабыйларга якты дөньяга килергә булышасыз, операцияләр ясыйсыз, авыруларны коткарып каласыз. Кешеләргә ашыгыч ярдәм күрсәтәсез.

Тырыш хезмәтегез, сайлаган эшегезгә тугры калуыгыз, шәфкатьле һәм киң күңелле булуыгыз өчен зур рәхмәт сезгә.

Сезгә чын күңелдән нык сәламәтлек, иминлек, бәхет, тотрыклылык һәм киләсе көнгә ышаныч телим. Авыр һәм һәркем өчен кирәкле эшегездә уңышлар юлдаш булсын!