Питрәч районында Бөек Ватан сугышы ветераннары турында видеорепортаж төшерделәр

Татарстанда «1941-1945 еллардагы Бөек Ватан сугышында Җиңүнең 80 еллыгына Бөек Ватан сугышы ветераннарыннан 80 хатирә» социаль-гуманитар проекты гамәлгә ашырыла, ул ветераннарның истәлекләре нигезендә 80 видеорепортаж булдыруны күздә тота.

Кичә төшерү төркеме Питрәч районында булды. Шәле авылыннан Бөек Ватан сугышында катнашучы Хәким Гыймадиев һәм Питрәч авылыннан Александра Ананьева (сугыш чоры баласы) истәлекләре төшерелде.