Питрәч редакциясе фотокорреспонденты республика конкурсының жюри әгъзасы булды

Питрәч редакциясенең фотокорреспонденты Илшат Гайсаров «Безнең профсоюз» республика конкурсының жюри әгъзасы булды.

"Бөтен республика буенча 92 гариза килде. Эшләр дүрт номинация буенча бәяләнде: "Шәхес портреты", "Эш көннәре", "Стоп-кадр", "Тамашачылар симпатиясе призы", - дип сөйләде Илшат Гайсаров.  

Конкурсның максаты - һәвәскәр фотолар аша җәмгыятьне профсоюз эшчәнлеге белән таныштыру, җәмәгатьчелек фикерендә профсоюз имиджын арттыру, иҗади хезмәт һәм һөнәргә хөрмәтле мөнәсәбәтне саклау.

Иң яхшы эшләрнең җиңүчеләре 12 майда билгеле булачак.