Питрәч районында туган телләр елы нәтиҗәләре буенча иң яхшы мәктәпләр, балалар бакчалары һәм педагоглар

Туган тел һәм Халык бердәмлеге елы кысаларында район мәктәпләрендә һәм балалар бакчаларында 1354 чара үткәрелде. Сыйныф сәгатьләре һәм ачык дәресләр узды, туган телдә мультипликацион фильмнар булдырылды, төрле халыкларның бөек язучыларының китаплары күргәзмәләре, утренниклар, түгәрәк өстәлләр, әдәби марафон, төрле конкурслар һәм фестивальләр оештырылды.

Укучылар Габдулла Тукай исемендәге Халыкара шигырь укучылар конкурсында, «Мин татарча сөйләшәм» акциясендә катнаштылар. Барлык белем бирү учреждениеләре «Татарча диктант» проектына актив кушылдылар, анда 1200 кеше катнашты.

"Бәләкәч" балалар бакчасы, Питрәчнең икенче мәктәбе, Чыты мәктәбе Татарстан Республикасы территориясендә яшәүче халыкларның телләрен, гореф-гадәтләрен, мәдәниятләрен саклап калуга һәм үстерүгә юнәлдерелгән проектлар булдырдылар һәм акчалата грантка республика конкурсында җиңүчеләр булдылар.
Шәле мәктәбе һәм «Тургай» балалар бакчасы «Татарстан Республикасы мәгариф оешмаларында дәүләт телләрендә укытуның иң яхшы практикасы» грантына конкурста җиңделәр.

Чыты мәктәбенең математика укытучысы Гөлфания Сәйфетдинова, Питрәч беренче мәктәбенең татар теле укытучысы Галина Чукурова, Ленино-Кокушкино мәктәбенең татар теле укытучысы Гүзәл Зиннәтова 50 мең сум күләмендә «Туган телдә укытуны гамәлгә ашыручы педагогик хезмәткәрләргә ярдәм итү» грантына ия булдылар.