Якташыбыз Камил Кәримов Тукай премиясенә лаек булды
Шәле мәктәбендә авылдашлары язучы Камил Кәримовны Тукай премиясе алуы белән котлады.
Биредә якташыбыз хөрмәтенә зур бәйрәм оештырылды. Язучыны тәбрик итәргә зур кунаклар килде. Алар арасында татар язучысы, шагыйрь, күренекле җәмәгать һәм сәясәт эшлеклесе Рәзил Вәлиев, драматург, Татарстан Республикасының атказанган сәнгать эшлеклесе, Татарстан Язучылар берлеге рәисе Данил Салихов, язучы, «Идел» журналы баш мөхәррире Рөстәм Галиуллин, язучы, журналист Вакыйф Нуриев, Питрәч районының мактаулы гражданины Шәйхулла Насыйбуллин бар иде. Мәктәп укучылары, “Тургай” балалар бакчасында тәрбияләнүчеләр килгән кунакларга бик матур концерт программасы тәкъдим итте.
Следите за самым важным и интересным в Telegram-каналеТатмедиа
