7 мартта Татарстан Милли музее филиалларына бушлай керергә була

7 мартта Татарстан Республикасы Милли музеена һәм аның барлык филиалларына бушлай кереп булачак.

Алар арасында Габдулла Тукай әдәби музее, А.М.Горький һәм Ф.И.Шаляпин музее, В.Ленин музее, Муса Җәлил музей-фатиры, Каюм Насыйри музее, Е.А.Боратынский музее, 1941-1945 еллардагы Бөек Ватан сугышы музей-мемориалы һәм Шәриф Камал мемориаль фатиры булган татар әдәбияты тарихы музее бар.

Экскурсияләр, мастер-класслар, музей программалары прейскурант буенча түләнә, дип хәбәр итә Татарстан Милли музееның матбугат хезмәте.