Бөек Ватан сугышында катнашкан Нина Куприяновага 99 яшь тулды

Башлангыч сыйныфны тәмамлаганнан соң Буа шәһәрендә Луначарский исемендәге урта мәктәптә укуын дәвам итә. Мәктәпне тәмамлаганнан соң ТАССРның Олы Тархан районы Жуково авылында укытучы булып эшли. 1939 елның сентябрендә физика-математика факультетына укытучылар институтына укырга керә. 1941 елда Бөек Ватан сугышы башлангач, япь-яшь кызга укуын ташларга туры килә. 1942 елның апрелендә ул хәрби комиссариатка гариза бирә. Шул ук елның 9 апрелендә нык ихтыярлы кыз үз теләге белән фронтка китә.
Нина Никифоровнаны беренче зенит-прожектор полкына билгелиләр. Анда элемтәче булып хезмәт итә. 1945 елның августында демобилизацияләнә һәм Казан юридик мәктәбенә укырга керә.
1969 елда Питрәч районына күчеп килә һәм бүгенге көндә дә шунда яши. Шул ук елны Нина Никифоровна адвокат булып эшкә урнаша һәм бу вазифаны алты ел башкара. 1981 елда пенсиягә чыга.
Ветеран «1941-1945 еллар фронтовигы» билгесе, Георгий Жуков исемендәге, «СССР Кораллы көчләренең 70 еллыгы» медале белән бүләкләнгән.
Туган көнен ул шатланып каршы ала. Ул безнең тыныч тормышта яшәвебезгә сөенә.
- Үземне яхшы хис итәм! Мин зарланырга яратмыйм. Минем кәефем һәрвакыт яхшы, шуңа да озак яшимдер, - диде ул елмаеп.
Нина Куприянова район башлыгы Илһам Кашаповтан тәбрикләүләр, чәчәкләр һәм бүләкләр кабул итте. Аңа районның мәдәният, социаль яклау бүлеге хезмәткәрләре һәм яшь армиячеләр дә кушылды.