Ел волонтеры Саимә Шаһиәхмәтова: «2022 ел минем өчен бик уңышлы узды»

- 2022 ел минем өчен бик уңышлы узды, бу минем өчен яңа ачышлар һәм танышулар елы булды. Мин үземне белем бирү һәм мәктәп тормышы белән бәйләргә булдым. Казан федераль университетына укырга кердем. Нәкъ менә быел мин билгеле бер максатларга ирештем: оешмабызның эшчәнлеген бөтен республикага күрсәтә алдым һәм гражданлык-патриотик эш өлкәсендә «Ел волонтеры» булдым. Республика социаль проектлар конкурсында җиңдем. Иске Шигали авыл җирлеге территориясендә чишмәләрне саклау белән бәйле проектны киләсе елда ук тормышка ашырырга планлаштырам. 2023 елның килүен түземсезлек белән көтәм, чөнки үз илемнең балигъ булган гражданины булачакмын һәм үземнең үсешем өчен яңа мөмкинлекләр ачачакмын.