Казанда Питрәч мастерларының керамик эшләнмәләреннән күргәзмә ачылачак

7 октябрьдә Казан Кремлендә «Биш стихия» күргәзмәсе ачылачак, анда Татарстан керамикасы сәнгатен: XX гасыр Питрәч осталары эшләнмәләре һәм XXI гасыр Наталья Пилюгинаның авторлык эшләре тәкъдим ителәчәк.

Күргәзмәдә Наталья Пилюгинаның 1912-1925 еллардагы керамик савыт-сабаны реконструкцияләү буенча 30дан артык эшләнмәсен күрергә мөмкин булачак. Алар Казан губернасының Питрәч авылындагы А.И. Ильинскийның уку остаханәсендә әзерләнгәннәр. Бу остаханә 1948 елда этнография музее, СССР халыклары музее Коллекция фондына керә. 

Питрәч керамикасы үз дәрәҗәсе буенча ул чорның әйдәп баручы Россия керамик җитештерүенә якынлашты һәм Казан губернасында авыл һөнәреннән вак һөнәрчелек производствосы чикләрен узып, XIX гасыр ахыры — ХХ гасыр башында  сурәтләү традицияләре булган үзенчәлекле сәнгать үзәгенә әверелде», — дип сөйләде күргәзмә авторы.

Күргәзмә Питрәч туган якны өйрәнү музее белән хезмәттәшлектә оештырылган. Экспозициядә шулай ук мастерларның эш үрнәкләре булган архив документлары да тәкъдим ителәчәк.

Наталья Пилюгина «Биш стихия» керамика һәм һөнәрчелек үзәге һәм социаль предприятиеләр реестрына керүче «Яратам Казан» ҖЧҖ җитәкчесе булып тора. 

Күргәзмә «Питрәч керамика кәсепчелеге» проекты кысаларында Президентның Мәдәни инициативалар фонды ярдәме белән үткәрелә. Ул 2023 елның 22 гыйнварына кадәр татар халкы һәм Татарстан Республикасы дәүләтчелеге тарихы музеенда күрсәтеләчәк. Ачылу 15.00 сәгатькә планлаштырылган.