Бу хакта ТР Гидрометеоүзәге хәбәр итә.
Бүген, 3 июньдә, Питрәч районында эссе, әмма тотрыксыз һава торышы сакланачак.
Район территориясендә алмашынучан болытлы һава көтелә. Кыска вакытлы һәм яшенле яңгырлар яварга мөмкин.
Көньяк-көнчыгыштан исүче җилнең тизлеге секундына 4-9 метр, яшен вакытында 15-17 метга җитәчәк.
Җылы төннән соң (+13тән +18 градуска кадәр) көндез термометр баганалары 27-30 градуска кадәр җылыначак.