Район аграрийлары инде бер атна басуларда эшлиләр.
Питрәч районында язгы кыр эшләре башланды. Хәзер игенчеләр нигездә дымны ябу, күпьеллык үләнне тукландыру белән мәшгуль. Көзге культураларны тукландыру 90%ка тәмамланган инде. Уңайлы һава шартларыннан файдаланып, механизаторлар эшне вакытында тәмамларга һәм көзге культуралар чәчүгә керешергә ниятлиләр.
Кыр эшләренең барышы белән район башлыгы Илһам Кашапов та кызыксына. Кичә ул «Шәле-Агро» һәм «Макс-Ойл» кырларында булды, анда ул хуҗалык җитәкчеләре һәм механизаторлар белән эш барышы турында фикер алышты.
.jpeg)
«Агро-Шәле» директоры Гадел Хәкимов сүзләренчә, быел шәлелеләргә 2386 гектар мәйданда язгы бөртекле культуралар чәчәргә туры киләчәк, шулардан бодай – 1385 га, арпа – 1001 га һәм шулай ук техник культуралар – рапс, кукуруз һәм башкалар.