Яшь питрәчле республика конкурсында өченче урын алды

Татарстан Республикасы халыкка социаль хезмәт күрсәтү комплекслы үзәкләрендә социаль хезмәтләр алучы балигъ булмаган балалар арасында «Туган җирем Татарстан» видеороликлар конкурсы нәтиҗәләре билгеле булды.

Төрле районнардан катнашкан балалар үзләренең кече ватаннары турында 76 ролик төшерделәр, туган якның истәлекле, кызыклы урыннарын, шәһәрләрен һәм авылларын төрле яктан күрсәттеләр.

«10 яшьтән 13 яшькә кадәрге категориядә иң яхшы видеоролик» номинациясендә 40 видеоролик тәкъдим ителде. Яшь питрәчле Вячеслав Пономаренко "«Мишә турында биш кызыклы факт» башлангыч экоблогер эфиры" видеоролигы өчен өченче урынны алды.