Көек авылында балалар өчен «Алгоритм» лицеенда өстәмә урыннар булдырылачак

200дән артык беренче сыйныф укучысына Көек авылының «Алгоритм» лицеенда урын җитмәде. Узган атнада 15 ата-ана гражданнарны кабул итүдә район башлыгы белән очрашты. Бу проблема район дәрәҗәсендә генә түгел, Татарстан Республикасы Рәисе Рөстәм Миңнеханов контролендә дә булды. 

Ике вариант тәкъдим ителде: балаларны башка уку йортына йөртү яки лицейда өстәмә урыннар булдыру. Туры эфир вакытында район башлыгы икенче вариантны сайлаганнарын хәбәр итте.  

- Хәзер без моны тормышка ашыра башлыйбыз һәм өстәмә парталар, өстәлләр, урындыклар, җиһазлар һәм дәреслекләр сатып алуга финанслауны көтәбез. Барлык 323 бала лицейга урнаштырылачак. Балалар мәктәпкә вакытында һәм тыныч кына барсын өчен, без бөтен көчебезне куярга тырышачакбыз, - дип мөрәҗәгать итте ул балаларның әти-әниләренә.