Питрәч районында яшәүче истәлегенә гер спорты буенча турнир узды

Казанда Бөек Ватан сугышында хәбәрсез югалган Чыты авылы егете Минһаҗ Гыйләҗев истәлегенә багышланган гер спорты буенча республика турниры узды. 

Турнирны аның оныгы, гер спорты белән шөгыльләнгән, яшүсмерләр арасында өч тапкыр дөнья чемпионы булган Илнур Гыйләҗев үткәрде. 

– Армиядән кайткач, Татарстанда гер спорты дәрәҗәсе кими башлавын аңладым. Шуңа күрә мин аны үстерергә булдым. Ләкин минем төп максатым – бабамның исемен мәңгеләштерү. Ул да спорт белән шөгыльләнгән, авылдашлары аны Сабантуй батыры буларак хәтерлиләр, – диде Илнур Гыйләҗев.

Минһаҗ Гыйләҗев Совет-Фин һәм Бөек Ватан сугышларында катнашкан. 1943 елның ахырыннан солдат язмышы турында берни дә билгеле түгел. Оныгы аны табарга хыяллана.

– Мин аның белән сугышкан кеше белән таныштым. Немецлар белән сугыш вакытында бабаем ике дошманны юк иткән, ә өченчесе аңа аткан. Ул җирдә ятып калган, калган солдатларны авылдашлары белән әсирлеккә алганнар. Кызганыч, нинди торак пункт янында сугыш булганын беркем дә хәтерләми, – дип сөйләде Илнур. 

Ул киләсе елда турнирны Питрәч районында да үткәреп булыр дип өметләнә.