Питрәчтә үзенчәлекле кешеләр спартакиадасы узды

Спорт мәктәбендә сәламәтлекләре ягыннан мөмкинлекләре чикләнгән кешеләр ункөнлегенә багышланган традицион спартакиада узды.

Чарага Питрәч коррекция интернат-мәктәбендә тәрбияләнүче балаларны, шулай ук ветераннарны чакырдылар.

Биредә катнашучылар алдында районның яшьләр һәм спорт бүлеге башлыгы чыгыш ясады, аннары алар өчен концерт оештырдылар.

Балалар эстафетада көч сынаштылар, ә өлкән буын вәкилләре шашка уйнадылар.