Питрәч икенче мәктәбе территориясендә өйрәнүләр үтте
Кешеләрне 4 минут эчендә эвакуацияләделәр
Район үзәгенең икенче мәктәбендә терроризм куркынычы янаган очракка өйрәнүләр штабы тренировкасы узды. Анда махсус техника белән кирәкле барлык хезмәтләр дә җәлеп ителде: газ, янгын, ашыгыч ярдәм, полиция хезмәткәрләре. Барысы да көйле һәм төгәл инструкция буенча эшләделәр. «Сары» куркыныч дәрәҗәсе билгеләнде – бу терактка әзерлек турындагы мәгълүматның раслануын аңлата.
Балаларны потенциаль куркыныч бинадан берничә чыгу урыныннан алып чыктылар һәм Боз сарае янындагы мәйданчыкта җыйдылар. Мәктәп директоры тулы эвакуация вакыты 4 минут тәшкил итүен, бина эчендә беркем дә калмавын хәбәр итте.
Нәтиҗәдә, өйрәнүләр тренировкасына "яхшы"дип бәя бирелде.
Следите за самым важным и интересным в Telegram-каналеТатмедиа