Питрәч районында спорт мәйданчыклары арта бара
Биредә район халкы ялларын үткәрә һәм спорт белән шөгыльләнә
Районда ел саен универсаль спорт мәйданчыклары төзелә.
Питрәч, Кощак, Богородск, Ленино-Кокушкино, Күн, Званка авылларында, Осиново бистәсендә баскетбол-волейбол мәйданчыклары эшли. Питрәч, Иске Шигали, Ленино-Кокушкино, Татар Тау Иле, Кощак, Шәле авылларында мини-футбол мәйданчыклары бар. Питрәчнең беренче мәктәбе территориясендә спорт белән шөгыльләнү һәм ГТО нормативларын тапшыруга әзерлек өчен ГТО мәйданчыгы барлыкка килде.
Кыш көне наратлыкта чаңгыда йөрергә яратучылар өчен 3 километр озынлыктагы яктыртылган чаңгы трассасы бар. Җәен бу трассада скандинавия йөреше һәм велосипед сөючеләр арасында ихтыяҗ бар. Ачык шугалаклар Питрәч, Ленино-Кокушкино, Кощак, Шәле, Күн, Чыты, Пановка авылларында бар.
Объектлар Татарстан Президенты ярдәме белән универсаль мәйданчыклар төзү республика программасын гамәлгә ашыру кысаларында булдырыла.
Следите за самым важным и интересным в Telegram-каналеТатмедиа