Питрәч районы суды сатучыга янап хәмер урлау турындагы эшне карады

Питрәч район суды көч куллану юлы белән чит милекне урлау эше буенча хөкем карары чыгарды.
Агымдагы елның февралендә исерек хәлдә булган ир-ат кибеттән 436 сум 58 тиенлек ике шешә шәраб урлый. Сатучы-кассир аның товар өчен түләвен таләп иткәч, ул аңа яный башлый. Кибет хезмәткәре куркып кала һәм каракны туктата алмый.
Соңрак әлеге ир-атны табалар. Суд булды. Ир үз гаебен тулысынча таныды.
Питрәч районы суды аңа 2 елга ирегеннән мәхрүм итү рәвешендә җәза билгеләде. Бу вакытка башка хөкем карары буенча җәзаны да өстәделәр, шуңа күрә хөкем ителүче гомуми режимлы төзәтү колониясендә 2 ел 6 ай рәшәткә артында үткәрәчәк. Хөкем карары законлы көченә керде.